8 जूनपासून सुरू मॅकडोनाल्डसह 'हे' रेस्टॉरंट, बाहेर जेवायला जाण्याआधी जाणून घ्या सर्व नियम

8 जूनपासून सुरू मॅकडोनाल्डसह 'हे' रेस्टॉरंट, बाहेर जेवायला जाण्याआधी जाणून घ्या सर्व नियम

मात्र आता जेवायला बाहेर जाताना परिस्थिती पहिल्यासारखी नसेल. रेस्टॉरंटमध्ये बसण्यापासून ते जेवणापर्यंत वेगळे नियम असतील( Restaurants Change after Lockdown).

  • Share this:

नवी दिल्ली, 04 जून : देशात कोरोनाला रोखण्यासाठी लॉकडाऊन जाहीर करण्यात आला परिणामी रेस्टॉरंट, हॉटेल बंद ठेवण्यात आले. मात्र आता दोन महिन्यांहून अधिक काळानंतर 8 जूनपासून रेस्टॉरंट उघडण्यास परवानगी देण्यात आली आहे. मात्र आता जेवायला बाहेर जाताना परिस्थिती पहिल्यासारखी नसेल. रेस्टॉरंटमध्ये बसण्यापासून ते जेवण ऑर्डर करण्यापर्यंत सर्व नियम वेगळे असतील( Restaurants Change after Lockdown). आसनस्थानापासून किचनपर्यंत करण्यात आलेल्या बदलांची एक नियमावली तयार करण्यात आली आहे.

लॉकडाउननंतर जास्तीत जास्त सोशल डिस्टन्सिंग ठेवून रेस्टॉरंट उघडण्याचा निर्णय घेतला आहे. रोझिएट हॉटेल एन रिसॉर्ट्सचे मुख्य कार्यकारी अधिकारी कुश कपूर म्हणतात की आम्ही हा प्रयोग भारतात प्रथमच करत आहोत. आपण आपल्या मोबाइलवरून स्वयंपाकघरातील सर्व चित्रे पाहू शकता. आपण स्वत: ला पाहू शकता की जेवण कसे तयार केले जात आहे आणि स्वच्छतेची काळजी कशी घेतली जात आहे.

वाचा-2 महिन्यांनी पुन्हा उघडणार शॉपिंग मॉल्स; मात्र अनिवार्य असतील हे नियम

ऑनलाईन ऑर्डर

रेस्टॉरंटमध्ये आल्यानंतर ऑर्डरसाठी आपल्याला वेटरशी संपर्क साधण्याची गरज नाही, म्हणूनच मोठी रेस्टॉरंट्स आधीपासूनच ऑनलाईन ऑर्डर घेत आहेत. लॉकडानऊमध्ये सुरू झालेल्या सर्व प्रमुख रेस्टॉरंट्समध्येही डिजिटल बुकींग सुरू करण्यात येणार आहे. ऑर्डरपासून पेमेंट पर्यंत सर्व काही डिजीटल असेल.

वाचा-फक्त 60 सेकंदांमध्ये 10 घरांवर कोसळलं वडाचं झाड, पाहा थरारक Live Video

स्वच्छेतसाठी विशेष प्रोटोकॉल

सर्व प्रमुख रेस्टॉरंट्समध्ये स्वच्छतेसाठी विशेष प्रोटोकॉल तयार करण्यात आले आहेत. विशेषतः शेफला मुख्य स्वच्छता अधिकारी देखील बनविण्यात आले आहे. प्रत्येक कुक आणि कर्मचार्‍यास वेळोवेळी हात धुणे आणि मास्कचा वापर करणे अनिवार्य आहे. सर्व प्रमुख रेस्टॉरंट्समध्ये एक टेबल राखून आसन व्यवस्था असेल. एकाच टॉबलवर दोनपेक्षा जास्त लोक बसू शकणार नाहीत.

वाचा-कोरोना रुग्णांवर पुन्हा सुरू होणार हायड्रोक्सिक्लोरोक्वीनचं ट्रायल - WHO

मॅकडोनाल्ड सुरू होणार

मॅकडोनाल्डची फास्टफूड चेन पुन्हा एकदा ग्राहकांसाठी दरवाजे उघडण्यासाठी तयार आहे. मॅकडोनाल्डमध्ये आता फक्त कर्मचारीच नव्हे तर ग्राहकांचेही थर्मल चेकअप केले जाणार. सेल्फ-सर्व्हिस येथे असल्याने सेल्फ-ऑर्डरिंग कियॉस्कमध्ये फ्रंट काउंटर, वॉशरूम तसेच जेवणाच्या ठिकाणी विशेष स्वच्छता ठेवण्यात येणार आहे. खुर्चीच्या ठिकाणी सोशल डिस्टन्सिंग ठेवून चिन्हांकित केले जाईल.

First published: June 4, 2020, 8:52 AM IST

ताज्या बातम्या